Kosova U21 e ka zhvilluar seancën e fundit stërvitore në Turku para ndeshjes së nesërme kundër Finlandës.

Dardanët e rinj i pret një ndeshje e rëndësishme, ku një fitore do t’i dërgonte në pozitën e dytë të grupit kualifikues për Euro 2027, shkruan Arbresh.info.

Selektori Afrim Tovërlani, u deklarua për FFK-në pas stërvitjes së fundit, ku theksoi se duhet një luftë më e fortë se ndaj Qipros.

“Finlanda është më e fortë se sa Qipro, prandaj do të na duhet më tepër luftë e më me tepër duele. Gjendja e futbollistëve është e mirë, por problemi kryesor është se kemi ardhur nga një tempraturë 21 gradë në minus gradë”, tha selektori i Dardanëve të rinj.

Ndeshja mes këtyre dy kombëtareve luhet nesër me fillim nga ora 17:30.

Aktualisht Kosova ndodhet në pozitën e tretë me shtatë pikë, kurse Finlanda është e dyta me dy pikë më shumë./Arbresh.info